* ಬಾಲ ಭಾಸ್ಕರ ಬಂದಾ..ಬಾನ ಅಂಗಳಕೆ

ಓ.....ನನ್ನನೆಬ್ಬಿಸಲು ಬಂದ 'ಬಾಲ ಭಾಸ್ಕರ'
ಆಗಲೇ ಆಡಹತ್ತಿದ್ದಾನೆ ಬಾನಂಗಳದಲ್ಲಿ,
ಕೇಳಬೇಕೆಂದಿದ್ದೆ ಆ ಕಾಕ,ಪಿಕ,ಶುಕ ರವವ
ನೋಡಬೇಕೆಂದಿದ್ದೆ ಆ ಉಷೆಯ ಹೊಂಗಿರಣ
ಅಯ್ಯೋ , ಅದಾಗಲೇ ಭಾನು ಬಾನೇರಿ ಬಂದು ಬಂದಾಯ್ತು
ಖಗ ಮೃಗಗಳೆಲ್ಲ ಊರು ಬಿಟ್ಟಾಯ್ತು
ಹಾಲಿನವ ಹಾಲಾಕಿ ಹೋಗಾಯ್ತು...!
ನನಗೀಗ ಬೆಳಗಾಯ್ತು.....!!
ನಾನು ಮಲಗೇ ಇದ್ದೆ....!
ಆಗಲಿ...ಏನಂತೆ...
ಈ ನೀಲಾಕಾಶ ಮತ್ತೆ ಕೆಂಪೇರುವ ವರೆಗೂ
ಹಗಲೇ ಅಲ್ಲವೇ...?
ಆಡಲು ಯಾರಿದ್ದಾರೆ ನನ್ನೊಟ್ಟಿಗೆ..?
ಇದೆಯಲ್ಲ....!
ಈ ಜಗ,ಈ ಜನ
ಈ ಜಾತ್ರೆ....!
ಸಾಕು....ಸಾಕು...!