* ಉಷೆ.....

ಓಹ್... ಯೆಂಥಾ ವಿಚಿತ್ರ ಈ ಧರಣಿ
ಕಣ್ಣು ಬಿಟ್ಟಾಗ ಕಂಡದ್ದು ಆ ರವಿಯ ಕಿರಣ.
ಅದೇ, ಹೆತ್ತಳಾ ನಿದ್ರಾಂಗನೆಯು...
ಬಸಿರಿಂದ ಬಂದೆ
ಎಲ್ಲಿ ಆ ಸೂಲಗಿತ್ತಿ?
ಉಷೆ...!
ಮಡಿಲಲ್ಲಿ ಮಲಗಿಸಿ
ಮೊಲೆಯೂಡಿದಾ ಧರಣಿ
ಮತ್ತೆಲ್ಲಿ ಹೊರಟಳೋ
ಮಗುವಿಗುಸಿರಾಗಲು.
ಈ ಗಾಳಿ, ಈ ಬೆಳಕು
ಆಹಾ ಛಳಿ,
ಕಳೆದೋಯ್ತೇ
ಕರುಣೆಯ ಕರದಾಸರೆ..!
ಕಳೆದೋಯ್ತೇ
ಬೆಚ್ಚನೆದೆಯ ಬಿಸಿಯಪ್ಪುಗೆ
ಬೆಳೆದೆನೆಂದರೆ
ಬೇಡವೇ ಇವಾವುದೂ ಮನುಜಂಗೆ..!!
ಆದರೂ  ನೀ ದೊಡ್ಡವನೆಂಬ ತಾತ್ಸಾರವೇ?
ಬಾ.... ಮಡಿಲ ಮಗುವಾಗುವಾಸೆ..

ಬಾ..... ಮತ್ತೆ ನಿನ್ನಯ ಕರಕೆ
ಕರವಿಡುವ ಆಸೆ
ಬಾ...ನಿನ್ನೆದೆಯ ಬಿಸಿಯಲ್ಲಿ
ಎನ್ನ ಛಳಿ ಕಳೆವಾಸೆ
ಬಾ... ಬಿಸಿಯುಸಿರ ಬೆಂಕಿಯಲಿ
ಬೇಯುವಾಸೆ...
ಬಂದಳಲ್ಲಾ ಮತ್ತೇ..
 ನನ್ನೆಲ್ಲ ಆಸೆಗಳ ಕೂಸು
ಅವಳೇ ಆ ಉಷೆ.......!