ಓ ...ನವಿಲೇ.... ನೀನೆಷ್ಟು ಬಣ್ಣ, ನೀನೆಷ್ಟು ಸುಂದರ,
ಓ... ಕೋಗಿಲೆಯೇ... ನೀನೆಷ್ಟು ಕಪ್ಪು, ನೀನೆಷ್ಟು ಸಣ್ಣ.
ಆ ನಿನ್ನ ಕುಹೂ ಕೂಗೇ ಚೆನ್ನ
ಓ... ಹಂಸವೇ.... ನೀನೆಷ್ಟು ಬಿಳಿ, ನೀನೆಷ್ಟು ಶುದ್ಧ.
ಆ ನಿನ್ನ ಹೆಸರೇ ಚೆನ್ನ..!
ಏನು ಮಾಡಲೀ....?
ಓ.. ನವಿಲೇ, ನಿನಗೆ ನಾಟ್ಯ ಮರೆತೋಗಿದೆ,
ಮೋಡವೇ ಇಲ್ಲವಲ್ಲಾ..
ಓ..ಕೋಗಿಲೆಯೇ,ನಿನಗೆ ಕೂಗು ಮರೆತೋಗಿದೆ,
ಮಾಮರವೇ ಒಣಗಿನಿಂತಿದೆಯಲ್ಲಾ.
ಸುತ್ತ ಕಾರ್ಗತ್ತಲಲ್ಲಾ,
ಓ.. ದೆವ್ವವೇ.. ನವಿಲಂತೆ ನರ್ತಿಸುವ ಕೋಮಲೆಯರಿಲ್ಲಾ,
................. ಕೋಗಿಲೆಯ ಕಂಠದ ಹಾಡುಗರಿಲ್ಲಾ,
..................ಹಂಸ ಈ ಜಗದಲ್ಲಿ ಇರುವ ಪರಮಹಂಸರು
..................ನಿನಗೇ ಕಾವಿಯುಡಿಸಿಬಿಟ್ಟಿದ್ದಾರೆ,
...................ಓಹ್ ನೀನೆಲ್ಲಿ? ಇಲ್ಲ... ಕಾಣಬೇಕು...
....................ಕಾಣಿಸಬೇಕು.. ನೀನು....ಅದು... ಇದು ...,ಎಲ್ಲಾ,
ಆ ಭಾನುವಿನ ಪ್ರಭೆಯಲ್ಲಿ ಬೆಳಗಬೇಕು ಈ ಧರಣಿ
....ಬಾ....ಬಾ...ಬಂದು, ಕುಣಿ ನೀ ನವಿಲಾಗಿ, ನಾ ಮೋಡವಾಗುವೆ.
....ಬಾ....ಬಾ...ಬಂದು, ಕೂಗು ನೀ ಕೋಗಿಲೆಯಾಗಿ, ನಾ ಮಾಮರವಾಗುವೆ
....ಬಾ....ಬಾ...ಬಂದು, ಹಾರು ನೀ ಹಂಸವಾಗಿ, ನಾನೇನಾಗಲೀ ನಿನಗೆ?
ನೀಲಾಕಾಶವಾಗಲೇ ? ಪದ್ಮ ಸರೋವರವಾಗಲೇ ?
ನನ್ನ ಮನದ ನೀಲಾಕಾಶದಲ್ಲಿ ಹಾರು,
ನನ್ನ ಹೃದಯ ಸರಸಿಯಲ್ಲಿ ಹಾರಾಡು.
ಅದು ನಿಷ್ಕಪಟ,ನಿರಾತಂಕ
ಬಾ...ಬಾ...
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ